|
Taj Saeed |
pukaaratii rahii kuchh der tak havaa mujh ko
samajh sakaa na zaraa bhii ki kyaa kahaa mujh ko
bahaar ho ki Khizaa.N mere dil ke gul_shan me.n
sunaayaa karatii hai ik dukh bharii sadaa mujh ko
[Khizaa.N - autumn]
nigaah me.n vahii manzar hai mausam-e-gul kaa
rulaa rahaa hai abhii ek haadasaa mujh ko
[manzar = scene]
biga.D-biga.D ga_ii hai.n zehan me.n vo tasviire.n
faqat jo yaad rahii terii ik adaa mujh ko
mai.n muntazir huu.N ko_ii mujh ko bhii manaayegaa
na dii kisii ne abhii tak ko_ii sadaa mujh ko
[muntazir = waiting] |
|
| |
| It is always a pleasure to hear from friends and lover of Ghazals. Feel free to contact us with suggestions, comments and corrections. |
| |
|
|
