|
Romantic Ghazal - Mujhay Bas Itna Hi Kehna Hai |
|
|
Kabhi main yaad aaoon to
Kabhi tanhaee ki raatain
Tumhain ziada sataein to
Kabhi titli na bolay to
Aur jugnoo naa chamkain to
Kabhi jab dil bhi bhar jaaey
Koi jab sunn na paye to
Aur saray dost saathi bhi
Jo tum sai rooth jaaein to
Kabhi jab khud sai lar lar ker
Thakan sai choor ho jao
Kabhi chahtey huay bhi khud,
akailey Rou na paao to
Apni aankhon ko bund karna
Mujhay aawaz dai laina
Aur phir meray tasauwer sai
Jo chaaho batain keh laina
Meray kaandhay pai ser rakh ker
Tum jitna chaaho rou laina
Phir khud main jab lout Aao to
U'Ssi dunya chaalay jaana
Mager bas itna hi kehna hai
Kai jab bhi dukh ya khushyon main
Mujhay dil sai pukaaro gai
Mujhay tum saath paao gai
Mai u'ss din lout aaoon gi...
|
|
| |
It is always a pleasure to hear from friends and lover of Ghazals. Feel free to contact us with suggestions, comments and corrections.
|
| |
|
|
|
