|
Amjad Islam Amjad |
ham hii aaGaaz-e-mohabbat me.n the anjaan bahut
varnaa nikale the tere vasl ke unvaan bahut
[aaGaaz = start; unvaan = title/subject]
dil bhii kyaa chiiz ab paa ke use sochataa huu.N
kyaa isii vaaste chhaane the bayaabaan bahut
[bayaabaan = wilderness/jungle]
ai Gam-e-ishq merii aa.Nkh ko patthar kar de
hai.n mere sar pe tere aur bhii ehasaan bahut
faasale raah-e-ta'alluq ke miTe.nge kyuu.N kar
husn paaband-e-anaa ishq tan aasaan bahut
[paaband-e-anaa = bound by rules]
us ko bhii lag hii ga_ii shahr-e-mohabbat kii havaa
vo bhii 'Amjad' hai ka_ii din se pareshaan bahut
|
|
| It is always a pleasure to hear from friends and lover of Ghazals. Feel free to contact us with suggestions, comments and corrections. |
| |
|
|
|
